+43 (1)3617667Kontakti

Si funksionon kirurgjia PRK/LASEK me laser e syve?

Keratektomia fotorefraktive (PRK) është metoda më e vjetër e kirurgjisë me laser të syve; për mbi 40 vjet, procedura është përdorur me sukses për të korrigjuar në mënyrë të përhershme të gjitha llojet e çrregullimeve të shikimit. Procedura kryhet pa bërë një prerje në sipërfaqen okulare. Shtresa më periferike e qelizave të kornesë (epiteli) hiqet manualisht, duke përdorur tretësirën alkoolike për të ekspozuar shtresat e kornesë poshtë për trajtim me laser:

  • PRK: hiqet plotësisht epiteli.
  • LASEK: thjesht zhvendoset epiteli në njërën anë.

Pasi laseri të ketë korrigjuar çrregullimin e shikimit ose epiteli paloset sërish në vend (LASEK), ose vendoset një lent për të të mbrojtur sytë, derisa të rigjenerohet epiteli. Procedura PRK nuk përfshin krijimin e një “Flap”, i cili redukton rrezikun e ndërlikimeve.

Këtu në SmartLaser, ne punojmë me sistemin më të përparuar Schwind Amaris 1050 RS. Kjo do të thotë që metoda PRK mund të përdoret kur nuk është e mundur kryerja e procedurave të tjera si LASIK ose Trans-PRK për shkak të aspekteve të veçanta të shëndetit të një pacienti.

Më shumë rreth teknologjisë së SmartLaser

Fushat e përdorimit dhe kufizimet e metodës PRK:

Mjeku specialist duhet të kontrollojë mbi baza individuale nëse një pacient i përmbush kriteret për të kryer një procedurë PRK me laser të syve. Rregulli i përgjithshëm është që çrregullimi i shikimit të pacientit nuk duhet të ketë ndryshuar të paktën gjatë vitit të kaluar dhe sytë duhet të jenë të shëndetshëm.

Metoda PRK mund të jetë veçanërisht efikase për trajtimin e miopisë së lehtë. Madje edhe astigmatizmi i kornesë mund të korrigjohet nga kjo procedurë. Zakonisht PRK nuk përdoret për të trajtuar hiperopinë. Gama e përafërt e PRK:

  • Miopi: -6 deri në maks. -8 dioptri
  • Hiperopi: deri në +3 dioptri
  • Astigmatizmi i kornesë: deri në +4 dioptri

Procedura arrin kufirzimet e saj/nuk mund të performojë nëse:

  • Kornea e pacientit nuk përmbush kriteret minimale të trashësisë
  • Pacienti vuan nga një sëmundje kronike e kornesë
  • Pacienti vuan nga sëmundja e syve si glaukoma ose katarakti
  • Pacienti vuaj nga një sëmundje autoimune ose çrregullim i shërimit të plagës
  • Pacientja është aktualisht shtatzënë

Kirurgjia PRK me laser e syve është tepër e përshtatshme për ata që ushtrojnë rregullisht sporte ose për ata që punojnë në profesione të veçanta (p.sh. në polici ose zjarrfikës).

Përfitimet e trajtimit PRK me laser

Metoda PRK është përdorur me sukses për dekada dhe mundëson një gamë të gjerë çrregullimesh të shikimit që duhen korrigjuar përgjithnjë.

Një përmbledhje e përfitimeve kryesore

  • Teknologjia moderne dhe kirurgët me përvojë garantojnë që procedurat të jenë të sigurta, efikase dhe të kryhen me saktësi të madhe. Nuk ka komplikacione me “Flap”.
  • Kërkon vetëm ndryshime minimale me stromën e kornesë, e cila e bën të mundur kryerjen e procedurës në pacientë me korne të holla.
  • Procedurë pa dhimbje, e qetë që garanton qëndrueshmërinë e indit korneal. Shumë rrallë ndodhin komplikime.
  • Kryerja e korrigjimeve të mëpasshme mundësohet në rastin e çrregullimeve të vazhdueshme të shikimit.
PRK hap pas hapi
1

Konsultimi fillestar

Gjatë konsultimit fillestar, specialistët tanë do të përcaktojnë nëse procedura PRK është një opsion i realizueshëm për ty. Shëndeti dhe gjendja jote luajnë një rol vendimtar në këtë gjë, siç luajnë edhe idetë dhe pritshmëritë e tua. Përndryshe, SmartLaser Vjenë ofron procedura Trans-PRK dhe Femto-LASIK.

2

Përgatitjet para operacionit

Për sigurinë tënde, fytyra jote do të dezinfektohet, kapakët e syve do të mbahen hapur dhe do të jenë të mpirë pas përdorimit të ilaçit me pika për syrin. Këto hapa çojnë në një procedurë PRK të lehtë dhe pa dhimbje. Nëse që prej konsultimit fillestar kanë lindur pyetje, do ta kemi kënaqësi të të përgjigjemi.

3

Procedura PRK e SmartLaser

Shtresa më periferike e kornesë do të hiqet, duke përdorur një tretësirë të butë alkoolike ose një thikë kirurgjikale. Më pas laseri Excimer do të heqë pak nga indi korneal për të korrigjuar çrregullimin tënd me shikimin. Në fund të procedurës, e cila zgjat disa minuta, do të vendosen lenta mbrojtëse kontakti.

4

Kontrollet vijuese

Zakonisht bëjmë dy takime vijuese, njëri pas trajtimit dhe njëri në fund të procesit të shërimit. Në takimin e parë vijues, do të hiqen lentat mbrojtëse të kontaktit dhe mjeku do të vlerësojë rigjenerimin e qelizave epiteliale. Hapi i fundit i trajtimit tënd është takimi përfundimtar për rishikim në Qendrën SmartLaser në Vjenë.

Sa i gjatë është procesi i shërimit pas procedurës PRK?

Pasi të hiqet, shtresa e jashtme e kornesë (epiteli) do të rigjenerohet brenda disa ditëve. Shumë pacientë kanë ndjesinë e një trupi të huaj ose ndjesinë e djegies gjatë procesit të rigjenerimit. Ndërkohë që qelizat në sipërfaqen okulare po shërohen, pacientët mund të kenë shikim të turbullt për rreth një javë.

Për një proces të shpejtë shërimi dhe pa ndërlikime, vendosen lenta mbrojtëse kontakti dhe do të marrësh ilaç të veçantë me pika për syrin dhe udhëzime për kujdesin pas ndërhyrjes.

Zakonisht duhen disa javë që të gëzosh përfitimet e plota të shikimit tënd “të ri”. Pasi të përfundojë procesi i shërimit dhe truri yt të jetë përshtatur me këto ndryshime (njohur si përshtatje nervore), do të mund të shohësh qartë dhe t’u thuash lamtumirë përgjithmonë syzeve dhe lentave të kontaktit!

Përmbledhja e çmimeve tona