Gjatë konsultimit tonë të detajuar fillestar, doktorët tanë të SmartLaser do të marrin kohën e duhur të të këshillojnë dhe t’u përgjigjen pyetjeve që mund të kesh. Për ne është e rëndësishme të ndihesh se po merr kujdesin e duhur që nga fillimi i kësaj përvoje. Vendosja e një marrëdhënieje besimi heq çdo frikë që mund të kesh para procedurës.

Hapi i parë i procedurës është ekzaminimi dhe matja e syve të tu. Imazhi i detajuar i korneas tënde përdoret për të përcaktuar nëse ekziston një trajtim kirurgjikal me laser në sy. Nëse trajtimi kirurgjikal me laser në sy nuk është i mundur, atëherë s’do të paguash as edhe një qindarkë!

Më pas, profesionisti i kujdesit tënd pranë SmartLaser do të përcaktojë se cila metodë trajtimi është më e duhura për çrregullimin e caktuar të shikimit dhe do të sqarohesh për avantazhet, procesin dhe rreziqet e kësaj procedure të veçantë.

Në fund, do të grumbullohen gjetjet dhe do të diskutojmë për procedimin e mëtejshëm. Në fund të konsultimit tënd fillestar, do të mund të rezervosh takimin zyrtar për procedurën e trajtimit kirurgjikal me laser në sy pranë SmartLaser.

Tani që janë kryer të gjitha përgatitjet për procedurën tënde, është koha të largosh frikën e shqetësimet dhe të shikosh drejt një jete pa syze dhe lenta kontakti!

Në ditën e operimit, gjithçka do të kalojë edhe më shpejt nga sa ke menduar, falë përgatitjes sonë të plotë. Sapo të hysh në derën e klinikës sonë në Vjenë, do të fillojmë të të përgatitim për trajtimin pa dhimbje me laser në sy.

Nëse të kanë lindur pyetje në kokë pas konsultimit tënd fillestar, doktori përgjegjës i trajtimit tënd do t’u përgjigjet atyre pa problem. E kuptojmë shumë mirë që mund të ndihesh i shqetësuar, ndaj krijimi i një ambienti qetësues është me rëndësi madhore për ne.

1. Së pari, zona jote në sy (ose fytyrë) do të pastrohet dhe dezinfektohet. Higjiena është një pjesë thelbësore e çdo operacioni.
2. Më pas, do të të mbajmë kapakët e syve hapur; Kjo i pengon sytë që të mbyllen në mënyrë refleksive sapo të fillojë procedura.
3. Më në fund, sytë e tu do të jenë të mpirë që të mos ndiesh asnjë dhimbje. Mpirja e syve i pengon gjithashtu të lëvizin gjatë procedurës.

Pastaj, vjen koha që të nisë operacioni aktual.

Doktorët tanë të SmartLaser kanë kryer me mijëra trajtime të suksesshme kirurgjikale me laser në sy. Laseri ynë me përqendrim të lartë, i sofistikuar përdoret në mënyrë rutinë dhe operacioni mbaron për më pak se një minutë.

Pasi të jetë kryer procedura me sukses, doktori me përvojë do të vendosë ato që quhen lenta kontakti me fashë. Kjo e mbron kornean e operuar dhe retinën nga ndikimet e jashtme, gjë e cila optimizon dhe përshpejton procesin e shërimit.

Me të mbaruar kjo, je i lirë të kthehesh në shtëpi. Nëse është e nevojshme, mund të të japin medikamente dhe ilaç me pika për syrin që mund ta bësh vetë. Mos harro që nuk duhet t’i japësh makinës menjëherë pas operacionit.

Dhe merr frymë! Ia dole! Mundohu t’i çlodhësh sytë.

Menjëherë pas trajtimit me laser në sy, do të të ftojmë të kthehesh te klinika jonë SmartLaser. Caktimi i takimit për kujdesin pas operacionit varet nga procedura që ke pasur.

• LASIK: 1 ditë pas operacionit
• Trans-PRK: 3-4 ditë pas operacionit

Gjatë këtij takimi të shkurtër, lentat e kontaktit me fashë do të hiqen dhe doktori yt do të vlerësojë ecurinë e procesit të shërimit. Nëse ke pyetje për hapat e ardhshme të procesit, do t’u përgjigjemi atyre. Sipas nevojës, do të informohesh për ndërmarrjen e hapave të mëtejshme për të nxitur procesin e shërimit.

Jeta jote krejtësisht e re pa syze dhe lenta kontakti mund të fillojë tani!

Kontrolli i fundit është takimi yt i fundit. Edhe koha kur ndodh ky takim varet nga lloji i trajtimit kirurgjikal me laser në sy:

• LASIK: 1 muaj pas operacionit
• Trans-PRK: 3-4 muaj pas operacionit

Deri atëherë, sytë e tu do të jenë rigjenruar plotësisht dhe eksperti yt i kujdesit të syve pranë SmartLaser do të vlerësojë rezultatin final. Gjatë këtij takimi, do të të ekzaminojnë edhe një herë kornean dhe rezultatin përfundimtar do ta diskutojmë së bashku.

Do të tregosh për ndryshimet që ke pasur gjatë javëve të fundit dhe do të të jepet mundësia të bësh pyetje të tjera. Zakonisht ky takim është hapi i fundit i trajtimit tënd.

Tani mund të shijosh 100% shikim të përkryer dhe t’i thuash lamtumirë syzeve dhe lentave të kontaktit!

Mbaj parasysh që edhe nëse tani trajtimi yt kirurgjikal me laser në sy ka përfunduar, je i mirëpritur të na kontaktosh në çdo kohë nëse ke probleme, shqetësime apo pyetje.

SmartLaser është partneri yt i përjetshëm për gjithçka që lidhet me kujdesin e syve.